"ဘာအမှုလဲ - ပန်းပန်မှု"
ဘဝမှာ ဖျားနာ အားငယ်ဖူးပါစ
နာမကျန်းသူအတွက်-ပန်းခြင်းလက်ဆောင်
ဂုဏ်ပြုခံအတွက်-ပန်းစည်းလက်ဆောင်
မြတ်နိုးသူအတွက်-ပန်းပွင့်လက်ဆောင်
ပန်းလက်ဆောင်တွေ
ဘဝမှာ ချစ်ခြင်းမေတ္တာများ၊ ခံစားဖူးကြမဟုတ်လား
လူသားပီသ၊
ပေးခဲ့ရခဲ့ မဟုတ်လား
တိုက်လေယာဉ်နဲ့ လက်နက်ကြီးက
တူမီးကိုကြောက်တဲ့အထိ
မအံ့ဩပဲရသေးတယ်
.
ခု.....ပန်းကလေးတပွင့်မြင်ရုံ
ဒူးတွေတုန်နေကြပုံ
.
ဟိုမှာ...ဆိုင်ကယ်ဦးထုပ်ချွတ်စစ်တယ်
ပန်းပန်လာခြင်းရှိ၊မရှိ။
ကဖေးတဆိုင်လုံး ဝင်ဖမ်းတယ်
ပန်းတွေဝေငှပေးလို့တဲ့။
မိန်းကလေးကို ရဲကားပေါ်တင်ပြီ
ဘာအမှုလဲ-ပန်းပန်မှု
.
ပန်းပန်ရင် နန်းဆန်တာပဲ သိခဲ့တာ
ခုတော့ ပန်းပန်လို့ အဖမ်းခံရသတဲ့။
ဒါဆိုရင် (အပင်ကိုလည်းဖမ်း
ပန်းပွင့်မှုနဲ့)
(မြေပြင်ကိုလည်းဖမ်း
ရှင်သန်စေမှုနဲ့)
ပျားပိတုန်းလိပ်ပြာလေးတွေ
ဖမ်းဆီးတရားစွဲဆိုခံရခြင်းမှကင်းပါစ။
ရှုစမ်းပါ့....ဟိုမှာ....
ကိုရင်ကလေးတွေကလည်း
စိန်ချယ်ပန်းတွေ နားမှာပန်လို့
.
ပန်းရံယောင်္ကျားတွေလည်း
နှင်းဆီပွင့်တွေ ငွားစွင့်ပန်လို့
.
အဒေါ်ကြီးတယောက်လည်း
သစ္စာပန်းတစ်တောင်လောက်ကြီး
ခေါင်းမှာကြိုးချည်ပန်ဆင်လို့။
သြော်......ပန်းဆိုတာဟာ
ချစ်ခြင်းမေတ္တာရဲ့သင်္ကေတ
ကျက်သရေမင်္ဂလာရဲ့ အထိမ်းအမှတ်ဖြစ်ကြောင်း
.
ကျက်သရေကင်းကွာ၊ မေတ္တာမဲ့တွေ
နားလည်အောင်ဘယ်လိုပြောရပါ့။
.
#မင်းကိုနိုင်
